Zuger Chornacht-Hymne (SATB)

About

First performance: 15th September 2018, Zug (CH). Christoph Tschudi and ad-hoc choir.

Commission for the 1st Zuger Chornacht.

This piece is available for SAM or SATB

Listen

Preview Score

Text

Zuger Chornacht-Hymne
S’Zug, i üsere Kolinstadt
ghörsch vill Sproche, s’isch no glatt.
Mit Schwiizertüüsch chunnsch chuum meh dure,
hütt muesch Tütsch und Änglisch schnöre.
S’Zug, do simmer rächt im Saft,
Händ «Spass» und «Fun» und «Food» und Chraft!

Mier chönd Chritz ha, chnüüble, chüble,
ramsle, ribsche, raschple, grüble,
chröschpele, chroose, bschiisse, tätsche,
gnappe, gschiire, hülpe, rätsche.
Chönd schludere, schleime, ryte, rode,
händ Chlütter, Gschmäus und tüüre Bode.

[Ref.]

Zug hed Uussicht, Bärge, See,
e Campingplatz, was wottsch no meh?
Zug liid zmitzt im Härz vum Land,
d’Möve frässid-der us de Hand.
Hey, mir händs do zimmli flott!
Jede döf do wiener wott.

Pfuttere, rangge, püngge, pfuuse,
plange, plegere, tschille, schmuuse,
lädele, shoppe, poschte, buue,
moorgse, möögge, müede, muule,
tüssele, tuschele, tünkle, troole,
gvätterle, gwirbe, chrampfe, moole.

Refrain:
All das hämmer/chömmer (3. Mal) z’Zug, s’isch wohr!
Und singe tüemer gärn im Chor,
schränze, juuchse, tüütsch und wälsch,
luuterlöötig: unverfälscht.
Jung und alt und arm und riich,
wo du härchunsch? S’isch doch gliich!
E sone Tschuppele singendi Lüüt,
das isch öppe nümme nüd!
E sone Tschuppele singendi Lüüt,
das isch nämmli nümme nüd.

Text: Judith Stadlin